Sunday, November 02, 2008

又見大佬實良肥黃

當然仲有 toozi

終於有刨冰食 =]

呢一晚去左九龍城 , 為大佬預祝生日 !

不過去食飯之前 , 先到法國醫院探一探 toozi

toozi 升左一級 , 護士帽上多左一條邊啦 !

之後就去搵大佬 

同場仲有肥黃同實良 , 可惜細路唔係度

望望實良 , 佢頭髮應該剪完冇幾耐 , 而家又係咁長

呢間野叫洋一 , 野食都算唔錯 ,
燒餅比較好吃

食完野 , 諗住去食刨冰 , 我地去左合成糖水搏一搏
最後 , 刨冰就冇啦 , 只有沙冰 :

其實刨冰這東西 , 印象中我不曾食過

飲飽食醉 , 就上左實良屋企探下良媽

良媽一見到我 , 就好興奮咁同我講 , 佢成功減左 xx 公斤 (忘記了)

記得大半年前 , 良媽話佢開始跑步減肥 , 仲叫我一齊跑 ,

當時我好似應承左佢 , 仲話會減到幾多幾多

結果我跑左幾次就冇跑了

持之以恆 , 原來並不容易

今天良媽終於修成正果 , 可喜可賀

離開實良屋企 , 又去左法院搵 toozi

同 toozi 去番合成果度食糖水

食飽散散步 , 就送 toozi 番醫院宿舍了 :

Saturday, October 25, 2008

呢一晚同 toozi 去左荃灣大會堂睇 <舞出關懷 2008>
因為 carol 有份跳 , 我地當然去支持下啦
仲記得舊年我都有同 toozi 去睇 <舞出關懷 2007>
轉眼一年 , 時間過得好快

在 citywalk  , 南瓜人出現了 !!

我地去食 MOS BURGER
d 薯條大大條
好好味 =]

之後就出發行去大會堂
途中再次經過表哥既新居
幾有皇者氣派

大會堂果度真係人山人海
我地因為遲左買飛 , 後排既座位冇得揀 , 結果揀左第二行 , B14 and B15
起初仲以為好似睇戲咁 , 坐後 d 好睇 d
不過原來坐咁近仲好 ,
舞蹈員的一舉一動都睇得好清楚
可惜除左大會攝影之外 , 觀眾係唔俾影相既
如果唔係我一定影 , 佢地 d 舞姿同舞衣真係好靚

兩個鐘眨眼就過 , 舞蹈表演都接近尾聲
散場後經過 citywalk, 無聊一拍 :



下年
<舞出關懷 2009>  見 !!

十月二十二日  toozi birthday

請了半天假

同 toozi 出發去咖啡灣睇日落

早上，我還在辦公室內為了一大堆 report 而埋頭苦幹

下午，我已向沙灘出發

坐上巴士，走出繁囂

吃著小食，細看沿途風光

漫長車程

彷似霎眼便過

不知不覺，

已經到達目的地

漫步沙灘

吹吹海風

吸一大口新鮮空氣

海面上萬道金蛇

看得人如癡如醉

我們的手印和腳印:

站在海邊

遠看夕陽慢慢下沉

由光到暗，直至消失不見

入夜後

也別有一番味道

傍晚時分 , 係時候醫下肚

我地即場要左個自助燒烤

不過 , 當然係自己買野黎燒抵好多

到左夜晚 , 呢個燒烤場多左好多人

個個都講野好豪邁 , 感覺到呢度個個都係大佬

不過個氣氛又幾熱鬧

呢兩日真係同 toozi 玩得好開心 !

呢張相被 toozi 偷拍

貪方便, 用腳燒野食

上次講到我同 toozi 都各自整左份禮物 ,

到底係咩呢 ?

果日我買左幾包紙黏土同埋 d 雪條棍之後 , 就動手開工 ! 

材料一覽 :

都好耐冇玩過紙黏土 , 原來真係唔容易

睇一睇工作期間的盛況 :

半完成品:

10月21 日係我地一周年紀念 , 10 月22 日係 toozi 生日

由於時間關係 , 今年既禮物就二合為一 !! (好衰呢...)

接近完成圖 :

不過就咁睇 , 呢個 cake 似西餅多 d

所以

我在外層加左 d 朱古力脆皮 :

完成圖 !!!

至於 toozi 的禮物 ,

實在係整得好靚好有心機 !!

一定整左好耐 , 辛苦了  !!!

我真係好鍾意 =]

好厚既一本書 , 裡面記載左好多呢一年黎既回憶呢

多謝你 , toozi !

toozi 生日當天 , 我地一齊出左去玩

去左邊度 ?

下次話你地知 !